莆田小吃美食联盟

红遍佛山嘅猪肚包鸡嚟到广州啦!原汁原味,滋味到终生难忘!仲有1蚊1只大闸蟹!

番禺着数2019-06-11 12:41:55

↓↓↓买水产,食海鲜,仲去黄沙?!你out啦,梗係要嚟海宝湾啦!全世界最好食嘅海鲜食神韬韬都推荐场内仲有超大两万方免费停车位!超大!免费!↓↓↓


文/小师妹(私人微信:miss5flower)

最近好多人都去海宝湾水产交易市场觅食,个个去过都话劲抵食价钱平过黄沙好多,而且可以买完海鲜即时加工,悭番唔少时间同金钱。讲到咁好,搞到我都心郁郁,想去海宝湾食番餐海鲜大餐。说走就走,let's go!

估唔到食神韬韬都嚟过,佢係我呢D食货嘅偶像,膜拜!虽然开张冇几耐,不过海宝湾呢度人气已经好旺,两边嘅摊档都係嚟拣海鲜嘅客人。海鲜种类好丰富鱼虾蟹贝乜都有,连海鲜干货都有!

买好海鲜,准备去揾间食肆加工开饭。估唔到海宝湾嘅酒楼都有好多间,竟然仲有佛山驰名桂哥猪肚包鸡!呢间桂哥猪肚包鸡喺佛山好出名噶,而且睇到门口仲有好醒目嘅广告牌写住1蚊1只大闸蟹!咁抵,肯定要去捧场啦!

桂哥嘅环境好雅致,每一个角落都散发出浓郁嘅原木气息,而且餐厅面积好大2楼同3楼都係用餐区

经过其它人嘅餐桌嘅时候,见到有好多人都点咗餐前小食,平时都未见过嘅,好似几正噉,我都试下先。

酒煮鸡杂

广州天气湿冻,最好就食D暖胃驱寒嘅嘢,呢个酒煮鸡杂可以补脾暖胃益气,经过酒嘅沉浸,鸡杂冇晒腥味,食落口好有风味。


砵仔蒸鸡红

传统嘅一道广东小食,不过宜家好少见有食肆仲有做。而桂哥就继续秉承广东传统美食嘅精粹,将呢个几乎失传嘅地道美食发扬光大。食入口浓郁嘅胡椒味原味、朴实


桂哥猪肚包鸡

呢度嘅招牌菜,梗係猪肚包鸡啦。一上菜,就闻到好香嘅药材味胡椒香味

睇住师傅剪开猪肚嘅过程实在美妙!成只鸡喺猪肚里面沉睡,将佢唤醒,浓郁嘅胡椒香味由内至外散发出嚟,最后再将猪肚同鸡切成大小适宜嘅一欍欍,就可以落汤度继续煮啦。

猪肚同鸡肉喺浓中带清嘅汤水里面翻滚,闻到嗰阵汤水散发嘅浓郁胡椒香气,在座每一个人嘅肚都饿到“咕咕声”,梗係要毫不客气噉动筷啦。

夹上几欍猪肚几欍鸡肉,仲有汤,猪肚鸡肉蘸D调好嘅酱料,猪肚爽口、厚实、有嚼劲鸡肉鲜嫩可口,肉质弹牙。再饮一啖汤,汤嘅味道更增添鸡嘅鲜味,而且有胡椒喺里面,好暖胃


烧鹅

呢个烧鹅係用明炉炭烧而成,每一层都有各自嘅口感,皮脆、肉嫩、骨香、肥而不腻,超级正!

鹅皮烧得脆卜卜,皮下嗰层薄薄嘅鹅油甘香油润,又唔会太腻。鹅肉肌理清晰肉质结实,入口有鹅味连骨头都好入味

食嘅时候记得蘸D酸梅酱,咸中带酸,酸中有甜,更添风味!


高汤伊面焗大虾

强烈推荐呢个高汤伊面焗大虾!15只超肥美罗氏虾“排排坐”等紧你嚟食,嗰种感觉何其震撼

虾肉结实有弹性,一啖咬入口,成口都係肉鲜甜香嫩,好满足!而藏身于虾身下面嘅伊面就好爽口,味道吸收晒罗氏虾嘅鲜甜,再加上高汤嘅浸浴带嚟嘅香浓,我只想讲,唔好同我争!


农家肉炒台山菜花

识食嘅人都会点呢个台山菜花,皆因台山菜花要比其它菜花都更出名味道清甜,食落口仲好爽脆,唔怪得咁多人都指定要食呢个台山菜花。

先将农家肉爆炒逼出肉汁,再同菜花一齐爆炒,菜花吸收咗肉汁嘅香味,味道更加香浓


香煎猪肠粉

平时我哋食开嘅猪肠粉都係白白嫩嫩嘅,而桂哥呢度就有个爽脆香口嘅!猪肠粉经过煎炸,炸到外表金黄灿烂入口香脆,但係内里依然好嫩滑外脆内软,口感very good!


1蚊1只大闸蟹

宜家嚟桂哥食饭,仲有1蚊1只大闸蟹嘅优惠!全时段都有供应,优惠数量有限,每人1只,拿拿林落手啦!

边个话平嘢就冇好嘢,呢个1蚊鸡嘅大闸蟹肥美到不得了!揭开蟹盖,见到嘅係超级粗暴嘅蟹黄蟹膏鲜味涌晒上嚟,闻到都食指大动!

蟹肉都好好味,鲜甜又嫩滑,喺口里面融化嘅感觉,实在美妙!


小编总结

海宝湾水产交易市场真係一块宝地,水产丰富价钱又平,最紧要嘅,係有出品咁精良嘅酒楼!桂哥嘅猪肚包鸡的确係好食,唔怪得喺佛山可以咁有名气,猪肚爽口鸡肉又滑嫩,抵佢红嘅!除咗猪肚包鸡,桂哥仲承接海鲜加工,买完海鲜嚟呢度食,一次过满足你嘅胃!


添加海宝湾水产交易市场微信公众号(微信帐号:HBWSCSC)即可随时订座以及及时掌握最新优惠信息


桂哥猪肚包鸡

人均:40元

地址:芳村芳兴路海宝湾海鲜市场内(与佛山黄岐洞庭路之间)

电话:020-81111608

路线指引:

巴士:滘口汽车总站、广佛路口(滘口客运站)公交站

地铁:滘口地铁站A2出口,往佛山芳兴路方向直走200米

自驾:从珠江大桥往滘口方向直走芳兴路下桥200米即到或者佛山一环广佛新干线出口洞庭路直走约5分钟

关于·About

商务合作与联系

商务合作请联系QQ:1966126520 微信号panyuid

官方微博:@番禺着数(新浪)

番禺微友QQ群: 30692245

长期邀请商家加盟、合作

↓更多精彩↓


Copyright © 莆田小吃美食联盟@2017