莆田小吃美食联盟

同一条街开铺!江若琳唔怕抢萧润邦生意

港剧粉2019-07-06 03:46:41


藝人江若琳(Elanne)和未婚夫、生煎包王的蕭潤邦(Oscar)日前到慈善之家齊擔任義工,跟數十位住在慈善之家的病童及其家長一齊炮製生煎包,而將榮升生煎包后的Elanne,更處女下海首次煎包給小朋友食。

第一次整包

Elanne說:「Oscar之前教過我煎包,但自己落鑊煎就係第一次,自己整包、再煎,再自己食番,覺得特別好味,同埋雖然住喺度啲小朋友有啲唔舒服,而照顧佢哋嘅家長亦好辛苦,但覺得呢度好有愛,佢哋啲笑容比喺街上兜口兜面見到嘅街坊更燦爛,我條圍裙成日會自己甩,啲小朋友好主動幫我綁番好。」而Oscar稱今次義工行動是自發性非獲邀請,因考慮小朋友的身體狀況,覺得親手炮製無添加的天然食物作禮物最實惠,同時他請了任髮型師的好友同行,為小朋友及家長理髮。

良性競爭

Elanne透露現時忙籌備麵店開張,於4月試業後就正式開業,而店舖正於Oscar的包店同一條街,她又說:「依家學埋煮嘢食囉,跟好多師傅學嘢。」同兩人的食店位於同一條街,可擔心出現「兩公婆」爭生意的情況?Oscar則認為不存在爭生意問題,因為兩人的食店風格全不同,加上同一條街有其他食店,反而可以良性競爭,他又謂:「我係賣傳統上海美食,Elanne就走創意及女性啲風格,唔會爭生意,同埋佢好有做生意潛質,因為佢凡事都係站嘅食客角色去諗,唔係自己鍾意做乜就做乜。」


Copyright © 莆田小吃美食联盟@2017